ᐱᖁᑎᑐᖃᒃᑯᕕᒃ ᑎᒥᖁᑖ/Smithsonian Institute: ᒥᐊᓕᒐᐃᑦ ᐅᓇᑕᖅᑐᒃᓴᖏᑦ ᓯᓚᓐᓂᐊᕐᕕᖓ, ᐹᓪᓚᕕᖕᒥ

ᐱᖁᑎᑐᖃᒃᑯᕕᒃ ᑎᒥᖁᑖ/Smithsonian Institute

ᐱᖁᑎᑐᖃᒃᑯᕕᒃ Smithsonian ᖃᕆᓴᐅᔭᒃᑰᖅᑐᑦ ᐱᖁᑎᑐᖃᐃᑦ 

ᒥᐊᓕᒐᐃᑦ ᐅᓇᑕᖅᑐᒃᓴᖏᑦ ᓯᓚᓐᓂᐊᕐᕕᖓ, ᐹᓪᓚᕕᖕᒥ  

ᐅᐋᕐᔭᓐ ᐸᔅᑖᓐ (1929- ) ᒥᐊᓕᒐᒥᐅᖅ ᐊᔾᔨᓕᐅᕆᔨᐅᓚᐅᖅᑐᖅ ᐃᓅᓯᒪᓪᓗᓂ ᐋᓕᖕᑎᓐ, ᒫᓯᑑᓴᔅᒥ.  1948ᒥ ᐊᕐᕌᒍᖃᖅᑎᓪᓗᓂ 19ᓂ, ᒥᐊᓕᒐᐃᑦ ᐅᓇᑕᖅᑐᒃᓴᖏᓐᓂᒃ ᐃᓚᐅᒋᐊᓚᐅᖅᓯᒪᔪᖅ ᐊᒻᒪᓗ ᐃᓕᓐᓂᐊᖅᖢᓂ ᓯᓚᓐᓂᐊᖅᑎᐅᓂᕐᒧᑦ ᓯᓚᓕᕆᔨᐅᓂᕐᒧᓗ.  

1949ᒥ, ᑖᓐᓇ ᐸᔅᑖᓐ ᐱᔨᓯᕋᓚᐅᖅᑐᖅ ᐊᕐᕌᒍᒥ ᓯᓚᓐᓂᐊᕐᕕᖕᒥ ᓈᓚᕝᕕᖕᒥᓗ ᐊᒻᒪᓗ ᑕᐃᑲᓂ ᐹᓪᓚᕕᖕᒥ ᐅᖓᓯᖕᓂᖃᖅᑐᒥᑦ 79 ᑭᓛᒥᑕᓂ ᕿᑭᖅᑕᕐᔪᐊᕐᒥᑦ.

ᑕᐃᑲᓂ ᐹᓪᓚᕕᖕᒥ, ᐊᔾᔨᓕᐅᕆᖃᑦᑕᓚᐅᖅᑐᖅ ᐃᓄᖕᓂ ᓄᓇᖃᖅᑐᓂᒃ ᐊᒻᒪ ᐃᖅᑲᓇᐃᔭᖅᑐᓂᓗ.  ᑖᒃᑯᐊ ᐊᔾᔨᓐᖑᐊᑦ ᐱᒻᒪᕆᐅᔪᑦ ᓱᖃᐃᒻᒪᑦ ᑖᓐᓇ ᐸᔅᑖᓐ ᐊᔾᔨᓕᐅᕆᖃᑦᑕᓚᐅᕐᒥᖕᒪᑦ ᐊᐃᕝᕙᒋᐊᖅᑐᖅᓯᒪᔪᓂᒃ ᖃᓚᓗᒃᑭᐊᖅᑐᓂᓗ, ᐊᒻᒪᓗ ᖁᕕᐊᓱᓐᓇᐅᑎᓪᓗᒍ ᓂᕆᕕᔾᔪᐊᖅᑐᓂᒃ ᑖᓇᓯᖅᑐᓂᓗ.