ᕿᒻᒥᐊᖅᑖᖅ ᓄᖑᓱᐃᑦᑐᖅ

ᕿᒻᒥᐊᖅᑖᖅ ᓄᖑᓱᐃᑦᑐᖅ ᐃᓅᓕᓚᐅᖅᑐᖅ 1948ᒥ ᑭᙵᐃᑦ ᖃᓂᒋᔮᓂ. ᐃᓚᖏᑦ ᐊᔾᔨᒌᙱᑦᑑᑎᓂᒃ ᓄᓇᓕᕋᓛᖃᐅᓯᖃᓚᐅᖅᐳᑦ ᓅᓚᐅᖅᖢᑎᒡᓗ ᑭᙵᕐᓄᑦ 1965-1966ᒥ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᕿᒻᒥᑦ ᑐᖁᕋᖅᑕᐅᓂᕆᓚᐅᖅᑕᖓᓂᒃ. ᕿᒻᒥᕆᔭᑦ ᑐᖁᕋᖅᑕᐅᓕᕐᒪᑕ ᐸᓖᓯᓄᑦ ᐊᑖᑖ ᕿᒻᒥᕐᒥᓂᒃ ᓇᖕᒥᓂᖅ ᑐᖁᕋᐃᓚᐅᖅᓯᒪᕗᖅ ᐸᓖᓯᓄᑦ ᑐᖁᕋᖅᑕᐅᓂᐊᙱᒻᒪᑕ. ᐃᖅᑲᐅᒪᕗᖅ ᐃᓄᐃᑦ ᕿᒻᒥᖃᕆᐊᖃᓚᐅᙱᓐᓂᖏᓐᓂᒃ ᑭᙵᕐᓂ. ᕿᒻᒥᐊᖅᑖ ᐃᖅᑲᐅᒪᒋᕗᖅ ᐃᒡᓗᐃᑦ ᐊᑐᕈᓐᓇᖅᑎᑕᐅᔪᑦ ᓄᓇᓕᖕᓂ ᓇᓗᓇᕐᓂᖃᐃᓐᓇᐅᔭᓚᐅᖅᐳᑦ ᐊᒻᒪ ᐃᓄᒋᐊᖏᓐᓇᐅᔭᖅᖢᑎᒃ. ᐊᑭᓕᖅᓱᒐᒃᓴᖅ $2-ᖑᐃᓐᓇᓚᐅᙱᓚᖅ ᑕᐃᒪᐃᓐᓂᐊᕐᓂᕋᖅᑕᐅᒐᓗᐊᕋᒥ.