ᓴᐃᓚ ᕿᑉᐸᓐᓂᖅ

ᓴᐃᓚ ᕿᑉᐸᓐᓂᖅ ᐃᓅᓚᐅᖅᓯᒪᔪᖅ 1948. ᑭᖓᕐᒥᐅᑕᐅᓚᐅᖅᓯᒪᔫᒐᓗᐊᖅ ᑭᓯᐊᓂ ᓅᓚᐅᖅᓯᒪᔪᑦ ᑭᒻᒥᕈᒻᒧᑦ 1955−ᒥ ᐊᒻᒪᓗ ᐃᖃᓗᖕᓄᑦ 1958-ᒥ. ᓴᐃᓚ ᐱᕈᖅᓴᔭᐅᓚᐅᖅ ᑎᒍᐊᖅᓯᒥᓄᑦ, ᐊᓈᓈᖓ ᐃᓅᔪᓐᓃᖅᓯᒪᓕᖅᑎᓪᓗᒍ 1955-ᒥ. ᖃᐅᔨᒪᔭᖏᓐᓂᒃ ᐅᓂᒃᑳᓚᐅᖅᑐᖅ ᐃᓄᐃᑦ ᐃᓕᖅᑯᓯᑐᖃᕐᒥᓂᒃ ᐊᖑᓇᓱᒍᓯᖃᖅᐸᓚᐅᕐᓂᖏᓐᓂᒃ, ᐅᖃᐅᓯᒃᑯᑦ ᐅᓂᒃᑳᖅᑐᐊᖃᓚᐅᕐᓂᖏᓐᓂᒃ, ᐊᒻᒪᓗ ᐃᓄᐃᑦ ᓱᖏᐅᑎᔪᓐᓇᕐᓂᖏᓐᓂ. ᓴᐃᓚ ᐅᔾᔨᕈᓱᒃᓯᒪᓂᕋᖅᑐᖅ ᐃᓚᖏᑦᑕ ᕿᒻᒥᖏᑦ ᖁᑭᖅᑕᐅᓚᐅᖅᓯᒪᓂᖏᓐᓂᒃ 1958−ᒥ ᐃᖃᓗᖕᓂ, ᐃᓚᖏᓪᓗ ᑭᓱᓕᒫᓂᒃ ᔭᒐᐃᓚᐅᖅᓯᒪᓂᖏᓐᓂ ᕿᒦᑦ ᐊᐅᓛᕈᑎᑐᐊᕆᓚᐅᕐᒪᒋᑦ ᐊᖑᓇᓱᒍᑎᑐᐊᕆᓪᓗᒋᓪᓗ. ᓴᐃᓚ ᖃᐅᔨᔪᒪᔪᖅ ᓱᒐᒥ ᐃᓄᐃᑦ ᕿᒻᒥᖏᑦ ᑲᐱᔭᐅᓵᓕᓚᐅᖅᓯᒪᖏᒻᒪᖔᑕ ᓯᓂᖅᓯᔪᓂᒃ/ᐱᓪᖤᖏᓴᕐᓇᕐᓂᕐᒥᒃ.