ᓕᐊ ᓈᑕᓇᐃᓐ

ᓕᐊ ᓈᑕᓇᐃᓐ ᐃᓅᓕᓚᐅᖅᐳᖅ 1957ᒥ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐊᑖᑕᖓᑕ ᕿᒻᒥᖓᓂᒃ ᖁᑭᖅᑕᐅᓚᐅᖅᑐᒥᒃ. ᐅᕕᒃᑕᐅᑎᓪᓗᒍ ᑕᑯᓚᐅᖅᐳᖅ. ᕿᒻᒥᖅ ᖁᑭᖅᑕᐅᕌᓂᖕᒪᑦ, ᐊᑖᑕᖓ ᐅᖃᐅᔾᔭᐅᓚᐅᖅᐳᖅ ᕿᑐᕐᖓᖏᑦ ᐃᓕᓐᓂᐊᕆᐊᖅᑎᖃᑦᑕᙱᒃᑯᓂᒋᑦ, ᕿᒻᒥᓗᒃᑖᖏᑦ ᖁᑭᖅᑕᐅᓛᖅᑐᑦ. ᐱᓇᓱᐊᕈᓯᓕᒃᑖᑦ ᐊᖓᔪᖅᑳᖏᓐᓂᑦ ᐃᓕᓐᓂᐊᕆᐊᖅᑎᑕᐅᓚᐅᖅᐳᖅ, ᑭᓯᐊᓂ ᓄᑲᑯᓗᐊ ᐃᓕᓐᓂᐊᕆᐊᖅᑎᑕᐅᕙᓚᐅᙱᑦᑐᖅ ᓄᑕᕋᐅᓗᐊᕆᔭᐅᖕᒪᑦ. ᓕᐊ ᐅᒃᐱᕈᓱᒃᐳᖅ ᑯᖑᓂᐊᒍᑦ ᐊᑖᑕᖓᑕ ᕿᒻᒥᓗᒃᑖᖏᑦ ᖁᑭᖅᑕᐅᓚᐅᖅᑐᑦ. ᐅᓂᒃᑳᓚᐅᕐᒥᕗᖅ ᓄᑕᕋᐅᑎᓪᓗᒍ ᓄᑲᑯᓕᖓᓗ ᑐᐊᕕᕐᓇᖅᑐᒃᑯᑦ ᐋᓐᓂᐊᕐᓂᕐᒧᑦ ᐊᐅᓪᓚᖅᑎᑕᐅᔭᕆᐊᖃᓚᐅᕐᓂᖏᓐᓂᒃ. ᐃᖅᑲᐅᒪᕗᖅ ᐃᒡᓗᕐᒧᑦ ᐊᑦᑐᖏᖅᑕᐅᓯᒪᔪᖅ. ᒪᕐᕉᖕᓂᒃ ᐊᕐᕌᒎᖕᓂᒃ ᐊᐅᓪᓚᖅᓯᒪᓚᐅᖅᐳᖅ ᐅᑎᕋᒥᓗ ᐃᓄᒃᑎᑐᑦ ᐅᖃᓪᓚᒍᓐᓇᐃᓪᓕᓐᓂᖅᖢᓂ.