ᐱᐊᓐ ᐊᕐᓇᕐᔪᐊᖅ

ᐱᐊᓐ ᐊᕐᓇᕐᔪᐊᖅ ᐃᓅᓚᐅᕐᓯᒪᔪᖅ ᐃᒡᓗᓕᐅᑉ ᖃᓂᒋᔮᓂ 1935ᖑᑎᓪᓗᒍ. ᐅᓂᒃᑳᕐᑐᕐᓕ ᐃᖅᑲᐅᒪᔭᒥᓂᒃ ᕿᒻᒦᑦ ᐋᓐᓂᐊᓕᕐᑐᑦ ᐅᔾᔨᕆᓚᐅᕐᓯᒪᒐᒥᒋᑦ 1950ᖏᑦ ᐱᒋᐊᓕᓵᕐᑎᓪᓗᒋᑦ ᐊᒥᓱᐋᓗᐃᓪᓗ ᖃᓂᒋᔮᓂ ᕿᒻᒦᑦ ᑐᖁᕋᕐᑐᒥᓂᐅᓪᓗᑎᒃ. ᐃᖅᑲᐅᒪᑦᓯᒋᓪᓗᓂ ᐊᓯᖏᓐᓄᑦ ᓄᓇᓕᓐᓄᑦ ᐊᒥᕐᖕᓂᑦ ᒥᖅᑯᓕᓐᓂᓪᓗ ᑕᐅᖅᓰᖃᑎᖃᕆᐊᕐᑐᓂ. ᐅᑉᐱᕈᓱᒃᑭᓪᓗᓂ ᒥᖅᑯᓕᓐᓂᑦ ᓂᐅᕕᕐᐸᑦᑐᑦ ᐊᑭᑭᑦᑑᑎᑦᓯᓗᐊᖃᑦᑕᓚᐅᕐᖓᑕ. ᐅᓂᒃᑳᕆᓪᓗᓂᒋᑦ ᓯᕗᓪᓕᖅᐹᑦ ᑕᑯᔭᕆᐅᕐᑕᒥᓂᕐᖕᒥᓂᒃ ᖃᓪᓗᓈᓂᒃ ᑎᑭᑉᐸᓪᓕᐊᓚᐅᕐᑐᓂᑦ ᓄᓇᓕᓐᓄᑦ ᐊᒻᒪ ᐊᑭᓕᕐᓱᖅᑕᐅᓪᓗᓂ ᐃᖅᑲᓇᐃᔭᓕᓚᐅᕐᓂᖓ ᐅᓇᓕᒃᓴᑦ ᓈᓚᕝᕕᖓᑕ ᓄᓇᖓᓂ. ᐅᖃᕆᓪᓗᓂ ᑐᓴᐅᒪᒐᒥ ᔫ ᐱᐊᓪᓚᐅᑉ ᕿᒻᒥᖏᑦ ᖁᑭᐊᔭᐅᔪᒥᓂᐅᒋᐊᖏᑦ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖏᓐᓄᑦ ᐊᐅᓪᓚᕐᓯᒪᑎᓪᓗᒍ ᐊᒻᒪᓗᑦᑕᐅᖅ ᐃᖃᓗᓐᓂ ᕿᒻᒥᓂᒃ ᖁᑭᐊᔭᐅᔪᒥᓂᕐᖕᓂᒃ. ᑕᑯᓚᐅᕐᓯᒪᓐᖏᑦᑐᖅ ᕿᒻᒥᓂᒃ ᑐᖁᕋᐃᔪᓂᒃ ᐅᓇᓖᑦ ᓈᓚᕝᕕᖏᑕ ᐊᑦᑕᕐᕕᖓᓂ. ᒫᓐᓇ ᐃᖅᑲᖅᑐᐃᔨᕋᓛᖑᓪᓗᓂ ᓄᓇᒥᓂ. ᓂᕆᐅᓗᐊᓐᖏᑦᑐᖅ ᐊᑭᓕᕐᑕᐅᓂᐊᕆᐊᒃᓴᖏᑦ ᓴᓂᕋᔭᖕᒥᐅᑦ ᖃᑦᓰᓐᓇᑯᓗᖕᓂᑦ ᕿᒻᒥᓂᒃ ᖁᑭᖅᓯᔪᖃᓚᐅᕐᒪᑦ ᓄᓇᖓᓂ.