ᒍᐊᑕᓐ ᕆᐊᓂ

ᒍᐊᑕᓐ ᕆᐊᓂ ᐃᓅᓚᐅᖅᓯᒪᔪᖅ 1929−ᒥ, ᐃᖃᓇᐃᔭᕐᓂᑯᓪᓗᓂ ᕼᐊᑦᓴᓐ ᐲ ᑲᒻᐸᓂᒃᑯᓐᓄᑦ ᑭᒻᒥᕈᒻᒥ ᐃᖃᓗᖕᓂ. ᒍᐊᑕᓐ ᐃᖃᓗᖕᓄᐊᓚᐅᖅᓯᒪᔪᖅ 1956-ᖑᑎᓪᓗᒍ. ᒍᐊᑕᓐ ᐅᓂᒃᑳᓚᐅᖅᑐᖅ ᖃᐅᔨᒪᔭᒥᓂᒃ ᑕᐃᔅᓱᒪᓂᐊᓗᒃ ᐱᒋᐊᓕᓵᖅᑎᓪᓗᒋᑦ ᓄᓇᓕᖃᕐᓂᖅ ᓂᐊᖅᑯᖒᓂ, ᐊᒥᕐᓂᒃ ᕿᓯᖕᓂᒡᓗ ᓂᐅᕕᖅᑎᐅᕙᓚᐅᖅᓯᒪᓂᖏᓐᓂᒃ, ᐊᒻᒪᓗ ᓱᕈᓯᖅᓯᐅᑎᓂᒃ ᑮᓇᐅᔭᖅᑖᖅᐸᓚᐅᖅᓯᒪᓂᖏᓐᓂᒃ. ᒍᐊᑕᓐ ᓱᓕᓪᓗᓂ ᐅᓂᒃᑳᖅᑐᖅ ᕿᒻᒦᑦ ᐃᖕᒥᓂᒃ ᓂᕆᔭᒃᓴᖅᓯᐅᖅᐸᓚᐅᕐᒪᑕ ᐃᐲᖓᖅᑎᑕᐅᓪᓗᑎᒃ, ᐊᒥᓱᓇᖅᑲᑕᓚᐅᖅᓱᑎᒃ ᑲᑎᖓᔪᑦ. ᐃᖅᑲᐅᒪᔪᖅ ᓄᑲᐱᐊᑯᓗᖕᒥᒃ ᐅᒋᐊᖅᑕᐅᓚᐅᖅᓯᒪᔪᒥᒃ, ᐊᒻᒪᓗ ᕿᒦᑦ ᐃᓵᖅᓯᒪᓚᐅᖅᓯᒪᔪᓂᒃ ᐃᒡᓗᖓᓄᑦ, ᓱᕋᖅᑎᕆᓪᓗᑎᒡᓗ ᐱᖁᑎᖏᓐᓂᒃ, ᒍᐊᑕᓐ ᐊᖏᓚᐅᖅᑐᖅ ᖁᑭᒃᓯᓯᒪᓂᕐᒥᓂᒃ ᐱᖓᓱᓂᒃ ᓯᑕᒪᓂᒡᓗᓐᓃᑦ ᕿᒻᒥᓂᒃ ᐃᒡᓗᒥᓄᑦ ᐃᓵᖅᓯᒪᓚᐅᖅᑐᓂᒃ.