ᐳᕋᐃᔭᓐ ᕋᐱᓐ ᐱᐅᓴᓐ ᐃᓅᓚᐅᕐᓯᒪᔪᖅ 1934ᖑᑎᓪᓗᒍ ᐃᓐᖏᓚᒥ ᑯᐃᓐ ᓄᓇᖓᓂ. ᓅᓚᐅᕐᓯᒪᔪᖅ ᐃᖃᓗᓐᓄᑦ 1956ᖑᑎᓪᓗᒍ ᓂᕐᕆᑎᓕᕆᔨᐅᓪᓗᓂ ᓂᖅᑎᐅᖅᑎᓄᑦ ᑳᓐᑐᓛᖃᓚᐅᕐᑐᓂᒃ ᐅᓇᓕᒃᓴᑦ ᓈᓚᕝᕕᖓᓂ. ᐅᓂᒃᑳᕐᑐᓂ ᐊᑐᖅᑕᒥᓂᕐᖕᒥᓂᒃ, ᑕᐃᒫᑦᓴᐃᓐᓇᐸᓗᒃ ᕿᑭᖅᑕᓂ ᓄᓇᓖᑦ ᐊᑐᓚᐅᕐᑕᖏᓐᓂᒃ, ᐱᖃᓯᐅᑎᓪᓗᓂᒋᑦ ᑐᓴᒐᒃᓴᑦ ᐱᕙᓪᓕᐊᓯᒪᓂᓕᒫᑦ ᐃᖃᓗᓐᓂ. ᒐᕙᒪᒃᑯᓐᓄᑦ ᓄᓇᓕᓐᓂ ᐅᑭᐅᖅᑕᖅᑑᓪᓗ ᒐᕙᒪᖓᓂ ᑲᑎᒪᔨᐅᖃᑦᑕᕐᓯᒪᔪᖅ ᐊᕐᕌᒍᓂ ᐊᓂᒍᕐᑐᓂ. ᐅᓂᒃᑳᕐᑐᓂ: ᐊᐅᓚᓂᕆᓚᐅᕐᑕᖓᑦ ᓂᐊᖁᓐᖒᑉ ᐋᓐᓂᐊᕕᖓᑕ; ᐅᓇᓖᑦ ᑕᒫᓃᓚᐅᕐᓂᖏᑦ ᖃᓄᐃᓕᐅᖃᑎᖃᕐᐸᓐᓂᕐᒪᖔᑕᓗ ᐃᓄᓐᓂᒃ; ᖃᓄᐃᓕᐅᕐᑎᐅᓂᕐᒪᖔᑕ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖏᑦ; ᕿᒻᒦᑦ ᐊᐅᓚᑕᐅᕙᓚᐅᕐᓂᖏᑦ ᓄᓇᓕᓐᓂ, ᐅᖃᖃᑎᒌᑉᐸᓚᐅᕐᓂᖏᑦ ᓄᓇᓖᑦ ᑲᑎᒪᔨᖏᑕ; ᓴᖅᑭᑉᐸᓪᓕᐊᓯᒪᓂᖓ ᐃᒥᐊᓘᑉ ᐊᒻᒪ ᐃᒥᐊᓗᒃᑖᕐᕕᑕᖃᓕᓚᐅᕐᓂᖓᑕ; ᖃᓄᐃᓕᖓᓚᐅᕐᒪᖔᑕ ᐅᒥᐊᒃᑯᑦ ᐊᐅᓪᓚᕈᔾᔭᐅᒋᐊᓖᑦ; ᓯᕗᓪᓕᖅᐹᑦ ᓄᓇᓖᑦ ᑲᑎᒪᔨᖏᑦ ᐱᒋᐊᕐᑎᑕᐅᓚᐅᕐᓂᖏᑕ; ᐊᔾᔨᒌᖏᑦᑐᑦ ᐸᕐᖕᓇᑕᐅᓚᐅᕐᑐᑦ ᓄᓇᓖᑦ ᐱᕙᓪᓕᐊᔾᔪᑎᒃᓴᖏᑦ ᒪᑭᑉᐸᓪᓕᐊᓕᕐᑎᓪᓗᒋᑦ ᐱᖁᑎᕐᔪᐊᑦ; ᐱᒋᐊᕐᑎᑕᐅᓚᐅᕐᓂᖏᑦ ᑐᓴᐅᒪᖃᑦᑕᐅᑏᑦ (ᓈᓚᐅᑏᑦ, ᐅᖄᓚᐅᑎᖃᕈᓐᓇᕐᓯᓪᓗᑎᒃ) ᐊᒻᒪ ᐃᒥᖅᑕᖅᑕᐅᕙᓕᕐᑐᑎᒃ; ᐃᓕᓐᓂᐊᕐᕕᐊᓗᒃ ᓇᑉᐸᖅᑕᐅᒻᒪᑦ ᐊᔾᔨᐅᖏᑦᓯᐊᕐᑐᓂ ᓴᓇᒪᓂᖓ ᐱᓐᖑᐊᕐᕖᓪᓗ ᐃᓪᓗᖁᑎᖏᑦ ᒪᑭᑕᐅᓪᓗᑎᒃ; ᓯᕗᓪᓕᕐᐹᑦ ᐃᓄᓐᓄᑦ ᓇᖕᒥᓂᕆᔭᐅᔪᑦ ᑲᒻᐸᓃᑦ; ᐊᔾᔨᒌᖏᑦᑐᑦ ᐃᓪᓗᓕᐊᖑᓯᒪᔪᑦ ᓴᓇᔭᐅᓂᑯᑦ ᐃᓄᓐᓄᑦ ᐅᕝᕙᓘᓐᓃᑦ ᓴᓇᒍᔾᔭᐅᓪᓗᑎᒃ; ᖃᒧᑕᐅᔭᖃᓕᕋᑖᕐᓂᖓ; ᐱᒋᐊᕐᑎᑕᐅᓂᖓ ᒐᕙᒪᑎᒍᑦ ᐊᐅᓚᑦᑎᓂᖅ ᐃᓱᒪᖅᓱᕈᓐᓇᐅᑎᒃᑯᓪᓗ ᓂᓪᓕᕈᓐᓇᕐᓯᓂᖏᑦ ᐃᓄᐃᑦ; ᑐᑭᓯᓂᕐᓗᖃᑦᑕᐅᑎᓃᓪᓗ ᐃᓛᓐᓂᒃᑯᑦ ᑐᓵᔨᖃᑦᓯᐊᖏᒧᑦ ᑐᑭᓯᓂᕐᓗᒧᑦ ᐱᕙᓪᓕᐊᔪᓂᓪᓗ ᑐᓴᐅᒪᑎᑦᓯᔨᖃᑦᓯᐊᖏᒧᑦ ᓄᓇᑦᓯᐊᑉ ᒪᓕᒐᓕᐅᕐᑎᖏᑕ ᑲᑎᒪᓂᖏᑦ ᐃᓄᓐᓄᑦ ᑐᓴᐅᒪᔭᐅᑦᓯᐊᖃᑦᑕᕋᑎᒃ; ᐱᒋᐊᕐᑎᑕᐅᓂᖓ ᑐᓵᔩᑦ ᐱᓕᕆᕝᕕᖓᑦ ᑐᓵᔨᐅᕙᓐᓂᐊᕐᑐᓂᒃ ᓄᓇᑦᓯᐊᑉ ᑲᒥᓴᓇᖓᓄᑦ; ᐱᒋᐊᓕᕋᑖᕐᓂᒥᓂᖓ ᑐᓂᖅ ᑕᐃᒥ ᐱᓐᖑᐊᕕᔾᔪᐊᕐᓂᖅ; ᓯᕗᓪᓕᖅᐹᑦᓯᐊᖅ ᓂᐅᕕᕐᕕᑦᓴᖅ ᓴᓇᔭᐅᓚᐅᕐᓂᖓ ᐃᖃᓗᓐᓂ; ᓄᓇᒥᓂᒃ ᐊᐅᓪᓚᕈᔾᔭᐅᓪᓗᑎᒃ ᐃᓕᓐᓂᐊᕆᐊᕐᐸᑦᑐᒥᓃᑦ ᐊᑭᓕᕐᑕᐅᓚᐅᕐᑐᑎᒃ, ᐊᒻᒪ; ᐋᓐᓂᐊᓯᐅᑎᖃᕐᑎᑕᐅᓂᖅ ᒪᒃᒋᐅᓪ ᓯᓚᑦᑐᖅᓴᕐᕕᖓᒍᑦ ᐃᓄᐃᑦ ᐊᕐᕌᒍᓂᒃ (30) ᐊᕙᑎᓂᒃ ᖁᓕᓂᓪᓗ.
