ᑎᐅᕆ ᔭᓐᑭᓐ

ᑎᐅᕆ ᔭᓐᑭᓐ ᐃᓅᓚᐅᖅᓯᒪᔪᖅ 1935-ᒥ. 1954-ᖑᓕᖅᑎᓪᓗᒍ ᐸᓖᓯᓄᑦ ᐃᖅᑲᓇᐃᔭᓯᒋᐊᓚᐅᖅᓯᒪᔪᖅ. ᐸᓖᓯᐅᓚᐅᖅᓯᒪᔪᖅ ᐊᕐᕌᒍᓄᑦ 33-ᓄᑦ ᓇᑉᐸᖓᓄᓪᓗ, ᐃᖃᓗᖕᓃᓯᒪᓪᓗᓂ, ᑭᒻᒥᕈᕐᒥ, ᐸᖕᓂᖅᑑᕐᒥ, ᖃᐅᓱᐃᑦᑐᕐᒥᑦ ᐊᒻᒪᓗ ᐊᐅᓱᐃᑦᑐᕐᒥ. ᓄᖅᑲᕕᓚᐅᖅᓯᒪᔪᖅ 1988-ᖑᓕᖅᑎᓪᓗᒍ ᐊᒻᒪᓗ ᐋᑐᕚᒥ ᐃᖅᑲᓴᐃᔭᓕᖅᖢᓂ ᐃᖏᕐᕋᔾᔪᑎᓕᕆᔨᒃᑯᓐᓄᑦ, ᑭᖑᓂᐊᒍᑦ ᐃᖅᑲᓇᐃᔭᓕᓚᐅᖅᓯᒪᓪᓗᓂ ᐆᒻᒪᖅᑯᑏᑦ ᐅᐊᓚᑕᐅᓂᖏᓐᓄᑦ ᑲᑎᒪᔨᖏᓐᓄᑦ. ᑎᐅᕆ ᐅᓂᒃᑳᓚᐅᖅᓯᒪᔪᖅ ᓇᐅᑦᑎᖅᓱᖅᑎᐅᖃᑦᑕᓚᐅᖅᓯᒪᓂᕐᒥᓂᒃ ᓈᓚᐅᑎᖃᕐᕕᕕᓂᕐᒥᒃ ᐊᒻᒪᓗ ᐊᑯᓐᓂᖅᓱᖅᑎᒋᔭᐅᖃᑦᑕᓚᐅᖅᖢᓂ ᐃᓄᖕᓄᑦ ᖃᓪᓗᓈᓄᓪᓗ ᑕᐃᑲᓃᑦᑐᓂᒃ, ᐊᒻᒪᓗ ᐅᑭᐅᖅᑕᖅᑐᒥ ᐃᓅᓕᓴᐃᔨᐅᖃᑦᑕᖅᖢᑎᒃ ᐃᒡᓗᓕᕆᓂᕐᒥᒡᓗ ᑲᒪᒋᔭᖃᓚᐅᖅᖢᑎᒃ. ᐅᖃᓚᐅᖅᑐᖅ ᒪᓕᒐᓂᒃ ᒪᓕᒃᓴᖅᓴᕋᐃᑦᑑᓚᐅᖅᓯᒪᓂᖏᓐᓂᒃ ᐃᓄᐃᑦ ᑐᓵᒻᒪᕆᓚᐅᕐᒪᑕ. ᑎᐅᕆ ᐅᓂᒃᑳᓚᐅᖅᑐᖅ 1957-ᒥ ᐊᒻᒪᓗ 1958-ᒥ ᐅᔾᔨᖅᓱᖁᔭᐅᓂᕐᓂᕆᓚᐅᖅᑕᖏᓐᓂᒃ ᕿᒻᒦᑦ ᐃᐲᓐᖔᖃᑦᑕᕐᓂᕋᖅᑕᐅᓪᓗᑎᒃ ᑭᒻᒥᕈᕐᒥ ᐊᒻᒪᓗ ᐃᖃᓗᖕᓂ. ᓇᓗᓇᐃᖅᓯᓚᐅᕐᒥᔪᖅ ᐃᓄᒃᑎᑑᓕᖅᑎᑕᐅᑎᓪᓗᒋᑦ ᐊᑲᐅᓐᖏᓕᐅᕈᑎᖃᓚᐅᕐᓂᖏᓐᓂᒃ, ᑭᓯᐊᓂᓕ ᑐᑭᓯᔭᐅᓪᓗᐊᑕᕆᐊᓖᑦ ᑐᑭᓯᔭᐅᓚᐅᖅᓯᒪᓂᕋᖅᑕᖏᑦ. ᑎᐅᕆ ᐅᖃᓚᐅᖅᑐᖅ ᑕᒫᓂ 40 ᐊᒻᒪ 5ᔾ-ᖏᓐᓃᑦᑐᓂᒃ ᕿᒻᒥᖅᑕᖃᖃᑦᑕᓚᐅᖅᓯᒪᔪᖅ ᐃᐲᓐᖔᖅᑐᓂᒃ ᐊᒃᑕᕐᕕᖕᓂ ᓂᕆᓇᓱᒃᑐᓂᒃ, ᐊᒻᒪᓗ ᑲᓐᖓᔪᐊᓗᐃᑦ ᕿᒻᒦᑦ ᓇᒧᑐᐃᓐᓇᖅ ᐸᖓᓕᕋᖃᑦᑕᖅᖢᑎᒃ. ᐃᖅᑲᐅᒪᔪᖅ ᐱᖓᓱᑦ ᐅᒋᐊᖅᑕᐅᓚᐅᕐᓂᖏᓐᓂᒃ ᐊᒻᒪᓗ ᕿᒻᒦᑦ ᐅᒋᐊᓚᐅᖅᑐᑦ ᑲᒪᒋᔭᐅᔭᕆᐊᖃᓚᐅᕐᓂᖏᓐᓂᒃ. ᐅᒋᐊᖅᑕᐅᔪᖃᖃᑦᑕᓚᐅᖅᑐᖅ ᕿᒻᒦᑦ ᑳᖕᒪᑕ. ᑎᐅᕆ ᐅᖃᓚᐅᖅᑐᖅ ᕿᒻᒦᑦ ᓂᐊᓐᖒᒥ ᐸᓖᓯᒃᑯᓐᓄᑦ ᖁᑭᐊᔭᐅᔪᑦ ᖁᑭᐊᔭᐅᓚᐅᕐᓂᕋᖅᖢᓂᒋᑦ ᕿᒻᒥᓕᕆᓂᕐᒧᑦ ᒪᓕᒐᐃᑦ ᒪᓕᒃᑕᐅᓪᓗᑎᒃ, ᑭᓯᐊᓂᓕ ᐊᒥᓱᐊᖅᑕᓗᐊᖅᖢᓂ ᓇᓗᓇᖃᑦᑕᓚᐅᖅᑐᖅ ᑭᓇᒧᑦ ᕿᒻᒥᕆᔭᐅᒐᓗᐊᕐᒪᖔᖏᓐᓂᒃ.