ᒫᓇᓯ ᐊᒪᕈᐊᓕᒃ

ᒫᓇᓯ ᐊᒪᕈᐊᓕᒃ ᐃᓅᓚᐅᖅᓯᒪᔪᖅ ᖃᐅᓱᐃᑦᑐᒥ 1960-ᐅᑎᓪᓗᒍ. ᐊᖓᔪᖅᑳᖏᑦ ᖃᐅᓱᐃᑦᑐᕐᒧᑦ ᓄᒃᑎᖅᑕᐅᓂᑯᕕᓃᑦ. ᒫᓇᓯ ᐃᖅᑲᐅᒪᔪᖅ ᐃᒡᓗᕋᓛᕐᒥᐅᑕᐅᓚᐅᕐᓂᕐᒥᓂᒃ ᖃᐅᓱᐃᑦᑐᕐᒥ, ᐊᒻᒪᓗ ᑕᑯᓐᓇᓚᐅᖅᓯᒪᓂᕋᖅᖢᓂ ᕿᒻᒥᑦ ᖁᑭᐊᔭᐅᑎᓪᓗᒋᑦ 1963-1964-ᒥ. ᐃᖅᑲᐅᒪᔪᖅ ᐊᑖᑕᖓ ᕿᐊᓚᐅᖅᓯᒪᓂᖓᓂᒃ ᕿᒻᒦᑦ ᖁᑭᐊᔭᐅᑎᓪᓗᒋᑦ ᐸᓖᓯᒃᑯᑦ ᑕᑯᓐᓇᑐᐃᓐᓇᖅᑎᓪᓗᒋᑦ. ᕿᒻᒥᖃᕈᓐᓃᖅᑎᓪᓗᒋᑦ, ᒫᓇᓯ ᐃᖅᑲᐅᒪᔪᖅ ᐊᒃᓱᕈᕐᓇᖅᑐᖅᓯᐅᖃᑦᑕᓚᐅᖅᓯᒪᓂᕐᒥᓂᒃ ᓄᒃᑕᐅᑎᖃᕈᓐᓃᕋᒥᒃ ᐊᒻᒪᓗ ᐊᖑᓇᓱᒍᑎᑐᐊᖓᑦ ᐱᑕᖃᕈᓐᓃᕐᒪᑦ. ᖃᓄᐃᓕᐅᕈᒪᓂᐊᑐᐊᕈᑎᒃ ᐱᓱᒡᓗᑎᐅᖃᑦᑕᕆᐊᖃᓚᐅᖅᑐᑦ. ᒫᓇᓯ ᐃᖅᑲᐅᒪᖕᒥᔪᖅ ᐊᒃᓱᕈᕐᓇᖅᑐᒃᑰᒃᑲᓐᓂᓚᐅᖅᓯᒪᓂᕐᒥᓂᒃ ᐊᖓᔪᒃᖠᖅ ᓇᔭᖓ ᐃᓄᒡᔪᐊᕐᒧᑦ ᐊᐅᓪᓚᖅᑎᑕᐅᖕᒪᑦ ᐃᓕᓐᓂᐊᕆᐊᖅᑎᑕᐅᓪᓗᓂ.