ᑕᐃᕕᑎ ᐅᑉᐱᒃ

ᑕᐃᕕᑎ ᐅᑉᐱᒃ ᐃᓅᓚᐅᖅᓯᒪᔪᖅ 1951-ᒥ ᐅᐱᕐᖓᕕᐊᓗᖕᒥ. ᐅᓂᒃᑲᐅᓯᖃᓚᐅᖅᑐᖅ ᖃᓄᖅ ᓄᒃᑎᖅᑕᐅᓚᐅᖅᓯᒪᓂᕕᓂᕐᒥᓂᒃ. ᐅᓂᒃᑳᓚᐅᖅᑐᖅ ᐃᓚᒌᑦ ᒐᕙᒪᒃᑯᓐᓄᑦ ᐊᐅᓪᓛᖅᑎᑕᐅᓚᐅᖅᓯᒪᓂᕕᓂᖏᓐᓂᒃ ᕿᑭᖅᑕᓂᑦ ᓴᓂᑭᓗᐊᕐᒧᑦ. ᐅᓂᒃᑳᓚᐅᖅᑐᖅ ᐊᖓᔪᖅᑳᖏᑦ ᐊᓯᖅᑯᕝᕕᒃᓴᐃᕈᔾᔭᐅᓚᐅᖅᓯᒪᓂᖏᓐᓂᒃ ᓅᒋᐊᖃᕐᓂᕕᓂᖏᓐᓂᒡᓗ ᐊᒻᒪᓗ ᑎᑭᓐᓇᒥᒃ ᑭᓱᖃᓐᖏᑦᑐᒧᑦ ᐃᒡᓗᒧᑦ ᐃᓯᖅᑕᐅᓚᐅᖅᓯᒪᓂᕕᓂᖏᓐᓂᒃ. ᑕᐃᕕᑎ ᐃᓕᓐᓂᐊᓕᓚᐅᖅᓯᒪᔪᖅ ᓄᒃᑎᖅᓯᒪᓕᕋᒥᒃ. ᐃᓕᓐᓂᐊᓚᐅᖅᓯᒪᔪᖅ 1962-ᒥᑦ 1966-ᒧᑦ. ᐅᓂᒃᑳᓚᐅᖅᑐᖅ ᒪᓐᑐᐊᕆᐊᒧᑦ ᐋᓐᓂᐊᕕᓕᐊᖅᓯᒪᓚᐅᖅᓯᒪᓂᕕᓂᕐᒥᓂᒃ ᑐᓄᒥᒍᑦ ᐋᓐᓂᕋᒥ ᐃᓚᒌᑦ ᕿᒻᒥᖏᑦ ᑐᖁᕋᖅᑕᐅᑎᓪᓗᒋᑦ 1969-ᒥ. ᑕᐃᔅᓱᒪᓂ 16-ᓂᒃ ᐊᕐᕌᒍᖃᓚᐅᖅᓯᒪᔪᖅ. ᑕᐃᕕᑎ ᐅᖃᓚᐅᕐᒥᔪᖅ ᐊᑖᑕᖓ ᕿᒻᒥᖃᕈᓐᓃᕋᒥ, ᐊᓯᖏᓐᓂᒃ ᓄᒃᑕᐅᑎᒃᓴᖏᓐᓂᒃ ᑐᓂᔭᐅᓚᐅᖅᓯᒪᓐᖏᑦᑐᖅ.