ᐸᐅᓗᓯ ᒥᑭᔪᖅ

ᐸᐅᓗᓯ ᒥᑭᔪᖅ ᐃᓅᓚᐅᕐᓯᒪᔪᖅ 1948ᖑᑎᓪᓗᒍ. ᓅᓚᐅᕐᓯᒪᔪᖅ ᓂᒋᐊᓄᑦ ᓄᓇᑐᖃᕐᖕᒧᑦ 1968ᖑᑎᓪᓗᒍ, ᓅᑕᐅᓕᓚᐅᕆᓪᓗᑎᓪᓗ ᐅᐊᓐᓇᖓᓄᑦ ᓴᓂᑭᓗᐊᒧᑦ 1970ᖏᓐᓂ ᒐᕙᒪᒃᑯᓐᓄᑦ ᑕᐃᒪᐃᖁᔭᐅᒐᒥ ᒐᕙᒪᒃᑯᓐᓄᑦ ᐃᑲᔪᖅᑕᐅᖏᑦᓯᐊᕐᑐᑎᒃ. ᐊᓯᖏᓐᓂᒃ ᐱᖃᑎᖃᕐᑐᓂ ᐅᑎᕈᒪᓕᓚᐅᕐᑐᑦ ᐱᖁᑎᒥᓐᓂᒃ ᐊᐃᑦᓯᕐᓗᑎᒃ ᕿᒻᒥᖏᓐᓂᓪᓗ ᐱᓇᓱᐊᕈᓰᒃ ᒪᕐᕉᒃ ᐊᓂᒍᕐᖕᒪᑎᒃ ᐊᒻᒪ ᐃᓚᖏᑦ ᕿᒻᒦᑦ ᑐᖁᖓᔪᑦ ᓯᓈᖓᓂ ᓇᓂᔭᐅᓐᓂᕐᑐᑎᒃ. ᐊᓐᓇᐃᓂᖏᑦ ᕿᒻᒥᒥᓐᓂᒃ ᐊᒃᓱᐊᓗᒃ ᓄᓇᖅᑲᑎᒌᓄᑦ ᐊᒃᓱᕈᕐᓇᕐᑐᒃᑰᕈᑕᐅᓚᐅᕐᑐᖅ ᐃᑉᐱᓐᓇᓗᐊᒧᑦ. ᐃᖅᑲᐅᒪᒋᓪᓗᓂ ᓄᓇᒃᑯᑦ ᓴᔾᔪᒋᐊᖃᓚᐅᕋᒥᒃ ᐅᒥᐊᓕᔭᕐᑐᑎᒃ ᒑᓴᓖᖃᑦᓯᐊᖏᒧᑦ ᓯᑯᑲᒻᒪᐅᒧᓪᓗ. ᕼᐋᒧᑕᓐᒦᓚᐅᕐᑐᖅ ᐊᕐᕌᒍᓂᒃ ᐱᖓᓱᓂᒃ ᓄᑲᑉᐱᐊᖑᓪᓗᓂ ᐳᕙᓪᓗᒃᑲᒥ ᐃᓅᓕᓴᕐᑕᐅᔭᕐᑐᖅᑐᓂ. ᐃᓕᓐᓂᐊᕐᑎᑕᐅᓚᐅᕐᑐᖅ ᐋᑐᕚᒥ ᐊᐅᓚᐅᓯᕆᔨᐅᓂᕐᖕᒥᑦ ᐊᓯᖏᓐᓂᓪᓗ ᐃᓕᓐᓂᐊᕐᓯᓐᓈᑦ ᐃᖅᑲᓇᐃᔭᕐᓗᓂ ᐃᓕᑕᕆᔭᐅᔾᔪᑎᑖᖑᕙᑦᑐᓂᒃ.